Pedagogët dhe bashkëpunëtorët tanë kanë përvojë të gjerë në sektorin e modës, duke mbuluar të gjitha fazat e industrisë, nga backstage deri te pasarelat, si dhe rolet kryesore të prodhimit dhe sistemit të modës në Milano.

Qëllimi ynë është të formojmë të gjitha figurat profesionale të nevojshme për botën e modës dhe industrinë e fashion-it brenda akademisë sonë. Ofron një cikël të plotë formimi, duke përgatitur stilistë mode, modelistë, teknikë industrialë, parukierë, grimierë, modele (përfshirë edhe fëmijë), stilistë imazhi, vizual merchandiser dhe menaxherë marketingu për modën.

Kursi ynë përfshin programe të plota studimi, kurse intensive, programe të shkurtra verore, masterclass dhe një Master vjetor në Haute Couture. Për studentët tanë më të mirë, krijojmë një hub që i ndihmon të futen në botën e modës, duke mbështetur talentet më premtues. La Griffe Academy është pionere në një sektor të ri për Shqipërinë dhe vazhdon të evoluojë me kohën.

Angazhimi ynë për të formuar brezat e rinj bazohet në krijimin e mundësive konkrete, duke përgatitur studentët për t’u bërë pjesë e një prej 3 industrive më të fuqishme në botë, e cila është e lidhur ngushtë me artin dhe bukurinë.

Motoja jonë është: "Firmos të ardhmen tënde", duke e kthyer pasionin dhe ëndrrën në një profesion të vërtetë me fitime të menjëhershme. Akademia jonë zhvillon talentin e studentëve në mënyrë profesionale, të shpejtë dhe inovative, duke krijuar rrugën e duhur për suksesin e tyre, i cili mbetet objektivi dhe investimi ynë kryesor.

Ne punojmë vazhdimisht për zhvillimin e kurseve të reja dhe programeve inovative, në përputhje me kërkesat e industrisë së modës. Instituti ynë është krijuar nga një grup ekspertësh të industrisë me synimin për të ndërtuar një shkollë mode që transmeton pasion dhe kreativitet, duke ruajtur traditën e modës së vërtetë italiane.

Që nga themelimi e deri më sot, kemi investuar shumë në marrëdhëniet ndërkombëtare, duke i dhënë përparësi ndërkombëtarizimit të akademisë dhe integrimit të të diplomuarve tanë në tregun global të punës, duke filluar nga Milano, Parisi, Nju Jorku dhe kryeqytetet e tjera të modës. Studimi në La Griffe Academy - The School of Fashion në Tiranë është i barasvlershëm me atë në shkollat më të mira të modës në botë. Investojmë për të ngritur gjithnjë e më lart emrin e akademisë, për të rritur vlerën e diplomës që mbajnë studentët tanë, duke i përgatitur ata për të konkurruar me studentët më të mirë ndërkombëtarë. E vetmja diferencë është tarifa shumë më e ulët për studimin në Tiranë.

Çdo vit investojmë në përmirësimin e programeve tona akademike dhe në rritjen e formimit të pedagogëve, duke qëndruar të përditësuar me inovacionet e shpejta në industrinë e modës. Ne fokusohemi te cilësia e stafit akademik dhe te bashkëpunimi me kompanitë dhe markat e njohura, për t’u ofruar studentëve një arsimim profesional të nivelit të lartë dhe një metodologji studimi të specializuar.

---

La Griffe Academy - është e akredituar nga Ministria e Ekonomisë, Kulturës dhe Inovacionit e Shqipërisë.

Kërkoni informacion për regjistrimin!

• Në akademinë tonë, studentët krijojnë identitetin e tyre të markës, duke zhvilluar talentin e tyre artistik. Eksperimentimi, krijimi dhe inovacioni në modë janë shtylla kryesore të metodës sonë të mësimdhënies. Ne zgjedhim profesionistë dhe talente të njohur ndërkombëtarisht, të cilët ndajnë përvojën e tyre me studentët tanë dhe i udhëheqin drejt niveleve më të larta të industrisë së modës.
• Nga stilistët e modës, që do të formësojnë modën e së ardhmes, tek parukierët dhe grimierët, që do të punojnë në backstage të pasarelave, editorialeve, filmave dhe reklamave botërore. Nga modelet, që do të ecin në pasarelat më prestigjioze të botës, deri te studentët që do të jenë pjesë e revistave më të njohura të modës pas një trajnimi të specializuar nga ekspertët më të mirë të sektorit.
• Moda dhe industria e bukurisë bashkohen në akademinë tonë për të formuar protagonistët e së ardhmes në botën e modës ndërkombëtare. y.
• Ne i shoqërojmë studentët në rrugëtimin e tyre drejt karrierës në industrinë globale të modës. Kurset tona ndërthurin traditën e arsimit të lartë me tendencat dhe kërkesat e tregut në zhvillim, ku stili dhe inovacioni janë elementë thelbësorë.
• Pedagogët tanë, falë përvojës së tyre, ofrojnë arsim praktik dhe të specializuar, me një gama të gjerë programesh: studime dyvjeçare, kurse pas diplomimit, Master, kurse të specializuara, Master të shkurtra, Summer School dhe Masterclass.

Lidhja e ngushtë me industrinë kombëtare dhe ndërkombëtare është thelbësore për akademinë tonë. Kjo është arsyeja pse kemi krijuar "The Other Education", një projekt inovativ i drejtuar nga stilistja e njohur ndërkombëtare Estela Koni. Ky projekt sjell për herë të parë në Shqipëri një zyrë stili të një stilisti të famshëm brenda një shkolle mode, duke u ofruar studentëve të Master Haute Couture dhe Fashion Design mundësinë unike për të punuar drejtpërdrejt me stilisten dhe për të marrë pjesë në krijimin dhe prezantimin e një koleksioni të Milano Fashion Week. s.