Programi Vjetor Modelistikë

Programi

Modelisti është profesionisti përgjegjës për krijimin e kartamodelit për çdo veshje femërore, bazuar në përmasat e standardizuara industriale me bazën 42. Ndryshe nga një rrobaqepës, i cili krijon veshje me porosi, modelisti shndërron idenë dhe skicën teknike të stilistit në përmasa standarde për veshjet prêt-à-porter (XS, S, M (42), L, XL, etj.).

Programi vjetor i modelistikës është krijuar për të formuar profesionistë të rinj, të aftë për të realizuar çdo lloj modeli, qoftë rrobaqepësi artizanale apo industriale. Duke përdorur metodën e prerjes së përkryer Made in Italy, studentët do të mësojnë të përshtatin modelet edhe për veshje të personalizuara. Programi do të ofrojë gjithashtu aftësi për zhvillimin e madhësive manualisht dhe përmes softuerëve CAD, duke garantuar përshtatjen e duhur sipas ndryshimeve të kërkuara.

Detajet e Programit

• Kohëzgjatja: 1 vit akademik
• Datat: Tetor – Korrik
• Gjuha: Shqip, Anglisht
• Vendndodhja: Rruga Sami Frashëri, Metropol Center, Tiranë, Shqipëri

Objektivat e Programit

Programi ka si objektiv t’i mësojë studentëve të gjithë procesin që çon nga një ide e stilistit deri në prodhimin në seri të veshjeve të një koleksioni mode.

Përmes leksioneve teorike dhe praktike, studentët do të fitojnë:

• Aftësi teknike të domosdoshme për modelistikën
• Aftësi krijuese për zhvillimin e dizajneve të reja
• Precizion në krijimin e kartamodelit dhe modifikimet e modeleve fashion

Në përfundim të programit, çdo student do të jetë gati për të hyrë në industrinë e modës, qoftë në kompani Made in Italy apo ndërkombëtare. Për më tepër, ata që dëshirojnë të specializohen më tej, mund të vazhdojnë me Programin e Avancuar Teknikë Industriale.

Programi

Programi përbëhet nga 300 orë në auditore dhe 300 orë në projekte individuale, duke përfshirë temat e mëposhtme:

• Modelistika dhe teknikat e kartamodelit (modeli bazë)
• Modifikimi i kartamodelit për dizajnin e modës
• Vizatim teknik dhe bazat e gjeometrisë
• Teknologjia dhe materialet tekstile (stoffe dhe materialet)
• Zhvillimi i madhësive
• Përdorimi i softuerëve për modelistikën (2D dhe 3D, softuerë CAD, etj.)

Mundësitë Profesionale

Çfarë mund të bëhesh?

Me këtë program në modelistikë, do të marrësh një formim të plotë, si teorik ashtu edhe praktik, që do të të lejojë të testosh aftësitë e tua dhe të ndjekësh karrierën e ëndrrave.

Modelisti është një figurë shumë e kërkuar në industrinë e modës, duke punuar si inxhinier i modës në atelietë e modës dhe industritë sartoriale, krahu i djathtë i stilistit.

Kushtet e Pranimit

Kush është kandidati ideal?

Programi është i hapur për të gjithë maturantët e shkollave të mesme, të cilët dëshirojnë të zhvillojnë talentin e tyre dhe të mësojnë profesionin e modelistit.

Ai është i përshtatshëm për:

• Ata që tashmë kanë një sfond në fushën e modës dhe rrobaqepësisë
• Ata që nuk kanë ndjekur studime të mëparshme në këtë fushë, por kanë pasion për prerjen dhe krijimin e kartamodelëve

Modelisti është një figurë thelbësore në industrinë e veshjeve, një "inxhinier" i veshjeve, pa të cilin nuk mund të realizohet asnjë model i ri në mënyrë të përkryer.

Pranimi

Programi është me numër të kufizuar. Kandidatët do të përzgjidhen bazuar në kriteret e mëposhtme:

• Diplomë e shkollës së mesme ose profesionale
• Mosha: mbi 16 vjeç
• Intervistë orientuese (telefonike ose e drejtpërdrejtë)

Tarifat dhe Regjistrimi

Tarifat për regjistrimin në programin e modelistikës janë si më poshtë:

• Tarifa e regjistrimit: €350
• Kostoja vjetore e studimeve: €3500
• Mundësi pagese me këste pa interes përmes financimit nga Union Bank

Provimet dhe Certifikimet

Provimi

Provimi përfundimtar do të zhvillohet përpara një Komisioni të përbërë nga profesorë të brendshëm dhe të jashtëm dhe do të përfshijë:

• Provime me shkrim dhe projekte (për lëndët teorike dhe bazat e kartamodelit)
• Prova praktike (modelistikë, zhvillim madhësish dhe qepje)
• Provimi final: Krijimi i një veshjeje të përfunduar duke zhvilluar kartamodelin sipas një skede teknike të stilistit

Certifikimi

Diplome profesionale e lëshuar është e akredituar nga Ministria e Ekonomisë, Kulturës dhe Inovacionit të Shqipërisë. Ajo njihet në botën e punës. Certifikata e dyfishtë, e lëshuar nga MKS pas një provimi te kualifikimit si profesionist të dhënë në selinë e MKS Milano, është e njohur në botën e punës dhe industrinë e modës.

Si te bëni intervistë orientuese

Për të mësuar nëse dega që ke zgjedhur përmban programin dhe kohëzgjatjen që i përshtatet pritshmërive të tua profesionale dhe për të marrë më shumë detaje rreth shkollës sonë, plotëso formularin dhe ne do të të kontaktojmë sa më shpejt të jetë e mundur për t’iu përgjigjur pyetjeve të tua ose për të caktuar një intervistë njohëse, ku do të të këshillojmë kursin më të përshtatshëm për ty.