Programi Vjetor Modeling

Programi

Programi vjetor Modeling përgatit modelët në mënyrë të gjithanshme, duke i përgatitur ata për të përballuar sfilata ndërkombëtare me stile të ndryshme muzikore dhe teknika të kërkuara nga industria e modës dhe pasarelave të sotme. Studentët mësojnë të koordinohen në të gjitha koreografitë e pasarelës, të punojnë dhe të sfilojnë në grup. Gjatë programit mësohet gjithashtu si të jenë në përputhje me tregun dhe të shfrytëzojnë sa më mirë rrjetet e tyre sociale, për t’u bërë jo vetëm modelë pasarele, por edhe influencer dhe fotomodelë. Programi përfshin gjithashtu mësime mbi etikën dhe sjelljen e duhur në ndërveprimet me publikun dhe bashkëpunëtorët gjatë backstage-it të sfilatave ose xhirimeve fotografike.

Studentët mësojnë të sillen para kamerave dhe aparateve fotografike, si për reklama ashtu edhe për sesione fotografike. Ata fitojnë aftësi aktrimi dhe zbulojnë anët e tyre më të mira në fotografi dhe në pasarelë, duke mësuar të nxjerrin në pah bukurinë dhe karakterin e tyre unik, si dhe të theksojnë veshjet dhe aksesorët që mbajnë. Kujdes i veçantë i kushtohet edhe detajeve më të vogla, si qëndrimi i trupit, drejtimi i shikimit dhe pozicioni i duarve.

Detajet e Programit

• Kohëzgjatja: 1 vit akademik
• Datat: Tetor - Korrik
• Gjuha: Shqip dhe Anglisht
• Vendndodhja: Rruga Sami Frashëri, Metropol Center, Tiranë, Shqipëri

Programi

Programi përfshin 170 orë mësimore në Akademi, me aktivitete të tjera jashtë akademisë si sesione fotografike, evente dhe sfilata ndërkombëtare:

• 5 sesione fotografike gjatë vitit akademik
• Sfilata përfundimtare në Milano Fashion Week

Mundësitë Profesionale

Pas përfundimit të programit, studentët mund të bëhen:

• Modelë profesionistë ndërkombëtarë
• Modelë pasarele, imazh i markave të modës
• Fotomodelë për fushata reklamuese dhe kopertina revistash mode
• Modelë për reklama dhe figurantë në filma
• Influencer në botën e modës dhe mediave sociale

Kushtet e Pranimit

Programi është i destinuar për djem dhe vajza të bukur, me stil, që dëshirojnë ta shndërrojnë këtë pasion në një karrierë të suksesshme dhe të famshme. Kandidatët idealë duhet të plotësojnë kriteret e mëposhtme:

• Gjatësia: Minimumi 170 cm për vajzat, 180 cm për djemtë (për modelë pasarele)
• Bukuri dhe karakter unik: (për fotomodelë dhe influencer)
• Mosha: Mbi 14 vjeç
• Intervistë dhe audicion për pranim në Akademi

Tarifat dhe Regjistrimi në Programin Modeling

• Tarifa e regjistrimit: €250
• Tarifa vjetore e programit: €1500
• Mundësi pagesash me këste pa interes përmes financimit nga Union Bank

Provimet dhe Certifikimet

Provimet

• Provim në sfilim në pasarelë
• Provim në pozimin për sesione fotografike profesionale për book-un fotografik dixhital

Certifikimet

• Certifikatë si Model/e Profesionist/e Ndërkombëtar/e
• Book fotografik dixhital profesional
• Përfshirje në agjensi mode ndërkombëtare
• Sfilatë promovuese në Milano Fashion Week

Certifikata e lëshuar është e akredituar nga Ministria e Ekonomisë, Kulturës dhe Inovacionit të Shqipërisë. Ajo njihet në botën e punës.

Si te bëni intervistë orientuese

Për të mësuar nëse dega që ke zgjedhur përmban programin dhe kohëzgjatjen që i përshtatet pritshmërive të tua profesionale dhe për të marrë më shumë detaje rreth shkollës sonë, plotëso formularin dhe ne do të të kontaktojmë sa më shpejt të jetë e mundur për t’iu përgjigjur pyetjeve të tua ose për të caktuar një intervistë njohëse, ku do të të këshillojmë kursin më të përshtatshëm për ty.